инженерлік ахуал

(Инженерная обстановка)

әскерлердің ұрыс міндеттерін және ұрыс қимылдарын инженерлік қамтамасыз ету міндеттерін орындауға әсер ететін факторлар мен жағдайлар. И.а-ға инженерлік әскер-лердің (өздерінің және қарсыластың) құрамы, топтастығы мен мүмкіндіктері, қолданылатын құралдар, ұрыс қимыл-дары алабындағы жергілікті жердің инженерлік жабдықталу сипаты мен физикалық-географиялық жағдайлары (бүркеніш және қорғаныш қасиеттері, өтімділік пен танк өтімділігі, жолдар мен өткелдердің жағдайлы болуы, табиғи кедергілердің жағдайы мен сипаты, сумен қамтамасыз ету); аумақтық әскери-экономикалық базаның болуы мен оны қолдану мүмкіндігі, объектілер мен атом энергиясы, химия өнеркәсібі өндірістерінің, гидротехникалық құрылыстардың қирауы, қарсыластың ядролық және жоғары дәлдікті қару қолдануынан жергілікті жерде болатын ықтимал өзгерістер. И.а-да радиациялық, химиялық, биологиялық, бактериялық, радио-электрондық жағдайлар қамтылады.